Á starfsmannafundi í VMA síðastliðinn miðvikudag, síðasta starfsmannafundi skólaársins, var sex starfsmönnum skólans sem láta af störfum nú í vor sérstaklega þakkað fyrir farsæl störf sín við skólann og þeim færðar gjafir á þessum tímamótum. Tveir af starfsmönnunum hafa starfað við skólann frá upphafi. Greint er frá á vef VMA.
Þau Erna Hildur Gunnarsdóttir enskukennari og Hálfdán Örnólfsson, samfélagsgreina- hagfræði-, tölvugreina- og stærðfræðikennari, hafa starfað við skólann frá því að hann var settur á stofn árið 1984.
Hinir fjórir starfsmennirnir sem nú láta af störfum eru Ingimar Árnason kennari vélstjórnar- og raungreina, Jóhann Björgvinsson kennari vélstjórnargreina, Jóhannes Áslaugsson stuðningsfulltrúi og Þorsteinn Krüger samfélagsgreinakennari.
