Meirihlutaviðræður á Akureyri eru hafnar á milli L-listans, Sjálfstæðisflokksins og Framsóknarflokksins. Þessu greindi Óðinn Svan Óðinsson, oddviti L-listans frá í viðtali við Kristján Kristjánsson í Sprengisandi á Bylgunni fyrir skömmu.
L-listinn tapaði manni til Samfylkingarinnar í kosningum en náði inn tveimur mönnum líkt og Sjálfstæðisflokkurinn, Framsókn og Samfylkingin. Meirihlutinn frá síðustu kosningum sem L-listinn, Sjálfstæðisflokkurinn og Miðflokkurinn mynduðu er fallinn.
Óðinn segir það ekki breyta neinu þó svo að L-listinn hafi tapað manni, það þurfi sex manna meirihluta og viðræður við Framsókn og Sjálfstæðisflokkinn séu hafnar.
„Það gengur vel á Akureyri og hér er fólk sátt. Við erum ekki að horfa ólíkt á hlutina. Við höfum átt í góðu samstarfi við Sjálfstæðisflokkinn og viljum láta á þetta reyna fyrsta kastið. Þetta eru mínar fyrstu viðræður. Við ætlum að flýta okkur hægt. Er það ekki hefðbundið svar? Við ætlum ekkert að drífa okkur með viðræðurnar.“
