Ríkiskaup hafa auglýst eftir 600 til 800 fermetra húsnæði fyrir nýja Vínbúð á Akureyri. Vínbúðin á Akureyri hefur staðið við Hólabraut 16 í yfir 60 ár frá því í maí 1961 þegar Áfengisverslun ríkisins keypti húsnæðið af sælgætisgerðinni Lindu.
Nú er húsnæðið komið að þolmörkum og ÁTVR vill færa sig í nýtt húsnæði. Í auglýsingunni eru kröfur gerðar á að húsnæðið þurfi að vera á skilgreindu miðsvæði eða verslunar- og þjónustusvæði. Það liggi vel að almenningssamgöngum, hjólandi og gangandi umferð og bílastæði fyrir 50 til 60 bíla.
Auglýsing - Vilt þú auglýsa hér?
ÁTVR hefur áður leitað að nýju húsnæði fyrir Vínbúð bæjarins. Síðast árið 2009 en þá var ákveðið að hafna öllum tilboðum sem bárust.
