Annað fimmtudagsmót UFA var haldið 14.maí síðastliðinn. Þar voru iðkendur heldur betur tilbúnir til keppni og voru meðal annars sett tvö Íslandsmet.
Stefanía Daney Guðmundsdóttir bætti eigið Íslandsmet í 200m í flokki T20 þegar hún hljóp á tímanum 27,84 sek
Gabríel Glói setti glæsilegt Íslandsmet í flokki 16-17 ára (óstaðfest) í 200m hlaupi þegar hann hljóp á tímanum 21,93 sek. Glói sló þar með met Kolbeinn Höður Gunnarsson frá árinu 2012 um 0,01 brot og ekki nóg með það heldur er þetta besti tími karla í ár sem og undir lágmarki á EM18 sem haldið verður á Ítalíu í sumar. En þar sem þetta fimmtudagsmótið er ekki alþjóðlega vottað mót (Global calander) þá gildir árangurinn ekki á EM18.
Garðar Atli Gestsson setti í fluggír og kastaði karlaspjótinu (800gr) 63,69 m sem er vel yfir lágmarki á EM18 en þar sem mótið er ekki Global calander þá gildir árangurinn ekki sem lágmark.
Fleiri voru að gera vel, Ágúst Bergur Kárason bætti sinn besta árangur í 200m, Óskar Ásgeirsson bætti sig 200m og Robert Mackay jafnaði sinn besta árangur í 200m. hlaupi enda voru aðstæður mjög góðar fyrir hlaup.
Nú er keppnistímabilið nýhafið og það verður spennandi að fylgjast með þessum iðkendundum sem og öðrum innan raða UFA.
Frétt: UFA
