Skipulagsráð samþykkti á fundi sínum 29. apríl sl. að veita fornbíladeild Bílaklúbbs Akureyrar heimild til að keyra eftir göngugötunni tvisvar á kvöldi hvert miðvikudagskvöld í sumar til loka september. Þetta kemur fram á vef Akureyrarbæjar, þar kemur einnig fram að síðustu sumur hefur fornbílum verið stillt upp við Menningarhúsið Hof á miðvikudagskvöldum og núna verður rúntinum í gegnum miðbæinn bætt við dagskrána.
Fyrstu ferðirnar verða farnar kvöldið 13. maí. Bílstjórarnir hittast á fornbílum sínum við Hof kl. 20 og síðan verður farinn rúntur um miðbæinn kl. 20.15 áður en bílunum verður stillt upp á planinu vestan við Borgarbíó.
Auglýsing - Vilt þú auglýsa hér?
