Í sumar verður unnið við malbikun gatna, stétta og stíga í Móahverfi ásamt grænum frágangi og frágangi á opnum svæðum. Einnig verður unnið við hellulögn, lagningu granítkantsteins og frágang stétta og stíga víða um hverfið. Þetta kemur fram á vef Akureyrarbæjar þaðan sem eftirfarandi upplýsingar eru fengnar:
Framkvæmdir frá miðjum maí fram í miðjan júlí
Auglýsing - Vilt þú auglýsa hér?
Áætlað er að vinna fari fram á eftirfarandi götum:
- Hrísmói
- Holtamói
- Síðubraut frá Austursíðu að Borgarbraut
- Borgarbraut að Langamóa og Bröttusíðu
- Langimói norður fyrir Hrísmóa
- Lautarmói
- Lyngmói
- Lækjarmói
Framkvæmdir frá miðjum ágúst og fram á haust
Áætlað er að vinna fari fram við:
- Borgarbraut frá Síðubraut að Bröttusíðu
- 1–2 íbúðargötur til viðbótar, eftir stöðu byggingarframkvæmda við þær götur
Stéttar og stígar
Í sumar og haust verður einnig unnið við:
- Gangstétt í Hrísmóa
- Stíga frá Holtamóa niður að Vestursíðu
Aðrir stígar verða malbikaðir þar sem aðstæður leyfa og verða þær framkvæmdir kynntar síðar í sumar.
