Sjúkratryggingar Íslands hafa auglýst eftir viðræðum við aðila, fyrirtæki, félög eða stofnanir í þeim tilgangi að taka við rekstri Öldrunarheimili Akureyrar. Þetta kemur fram í umfjöllun N4.
Frestur til að tilkynna stjórnvöldum áhuga á rekstri heimilanna rennur út um miðjan febrúar. Á Öldrunarheimili Akureyrar eru 173 hjúkrunarrými þar af þrjú sérhæfð rými, átta dvalarrými, 20 almenn dagdvalarrými og 16 dagdvalarrými fyrir heilabilaða.
Auglýsing - Vilt þú auglýsa hér?
Akureyrarbær rak áður ÖA sem hluta af velferðarþjónustu sveitarfélagsins samkvæmt samningi við Sjúkratryggingar Íslands fyrir hönd ríkisins. Bæjarráð Akureyrarbæjar samþykkti í fyrra að óska ekki eftir framlengingu á rekstrarsamningi sem rann út 31. desember 2020.
