Mikil rigning síðsutu daga hefur heldur betur sett svip sinn á Jökulsárgljúfur. Djúpir pollar og jafnvel tjarnir hafa myndast á svæðinu og hefur nokkrum gönguleiðum verið lokað, einkum við Hljóðakletta og í Ásbyrgi.
Í botni Ásbyrgis er ástandið sérlega sláandi að sjá, en þar hefur vatnsyfirborð Botnstjarnar snarhækkað og sett neðri útsýnispallinn þar á kaf. Á samfélagsmiðlum segjast margir sem kunnugir eru staðháttum, vanir leiðsögumenn og heimafólk, aldrei hafa séð annað eins.
Auglýsing - Vilt þú auglýsa hér?
Í tilkynningu frá því í gærm sem sjá má hér fyrir neðan, brýnir Vatnajökulsþjóðgarður fyrir gestum að halda sig við merkta göngustíga og ganga varlega, þar sem stígarnir séu hálir.
