Júdófélag Íslands og Júdódeild KA voru mætt á Allir með viðburð ÍBA, Þór og KA í Naustaskóla sunnudaginn 22. mars síðastliðinn. Árni og Hreiðar frá Gonzo.Creation mættu með myndbandsvélina á svæðið og fönguðu stemninguna. Myndband má sjá að hér að neðan.
Júdódeildin kom til að þjálfa júdí á einni stöð á viðburði sem svæðisstöðvar íþróttahéraða á Norðurlandi Eystra, ÍBA, HSÞ, UMSE, UÍF og íþróttafélögin á svæðinu stóðu fyrir. Var þetta síðasti viðburðurinn af fjórum sem var hérna á svæðinu en fyrri viðburðir voru haldnir á Húsavík (HSÞ), Dalvík (UMSE) og Ólafsfirði (UÍF). ÍBA, Þór og KA ásamt svæðisstöðvunum höfðu yfirumsjón með þessum loka viðburði. Þarna voru þjálfarar frá Þór og KA sem eru að þjálfa á Allir með æfingunum sem félögin tvö standa fyrir í Naustaskóla á sunnudögum og þar var ýmislegt annað í boði.
Verkefnið „Allir með“ er samstarfsverkefni ÍSÍ, UMFÍ og ÍF (Íþróttasamband fatlaðra). Verkefnið er styrkt af Félags- og vinnumálaráðuneytinu, Heilbrigðisráðuneytinu og Mennta- og barnamálaráðuneytinu.
Sjáðu myndbandið:
