Vilja að hámarkshraði verði lækkaður við Þelamerkurskóla

Foreldrafélag Þelamerkurskóla hefur sent inn erinti til Hörgársveitar þar sem lýst er yfir áhyggjum af miklum umferðarhraða í nágrenni skólans.

Hámarkshraði við Þelamerkurskóla er 90 km/klst. Skólalóðin liggur að þjóðvegi 1 og eru þar börn að leik allan ársins hring.

Samkvæmt mælingum sem gerðar voru í maí er meðalhraði á ákveðnum tímum yfir 90 km/klst. Hæsti mældi hraði var 167 km/klst. Sveitarstjórn Hörgársveitar hefur ítrekað það við Vegagerðina að umferðarhraði við Þelamerkurskóla verði lækkaður hið fyrsta og gerðar verði ráðstafanir við veginn til að auka öryggi barna við skólann.