Húsfyllir var í Menningarhúsinu Hofi í gær þegar VÆB bræður, ásamt hljómsveitinni Skandal, héldu uppi stuðinu á Sumartónum. Kynnar kvöldsins voru París Anna og Rebekka Rut frá Ungmennaráði Akureyrar. Þetta kemur fram í tilkynningu á heimasíðu Akureyrarbæjar.
Sumartónar eru partur af Barnamenningarhátíð á Akureyri sem stendur yfir allan apríl. Fjöldi spennandi viðburða og sýninga sem hvetja börn og ungmenni til virkrar þátttöku í menningarstarfi eru í boði.
Hægt er að skoða viðburðadagatalið á barnamenning.is.
