Upptakturinn á Akureyri hvetur börn og ungmenni í 5.-10. bekk að semja eigin tónlist og styðja þau í fullvinnslu hugmyndar.
Upptakturinn, Tónsköpunarverðlaunum barna og ungmenna, veitir ungu fólki tækifæri til að senda inn tónsmíð eða drög að henni og vinna markvisst úr hugmyndum sínum með fulltingi listamanna.
Auglýsing - Vilt þú auglýsa hér?
Afraksturinn má sjá og heyra á tónleikum í Menningarhúsinu Hofi 9. maí næstkomandi en þá munu atvinnuhljóðfæraleikarar leika verkin á meðan ungmennin sitja á meðal áhorfenda.
Upptakturinn er samstarfsverkefni Menningarhússins Hofs og Hörpu. Ungmennin sem komast áfram vinna að útsetningum undir leiðsögn reyndra tónlistarmanna en tónlistarstjóri Upptaktsins á Akureyri er engin önnur en Greta Salóme.
