Um 100 manns mótmæltu á Ráðhústorgi
Eftir Ritstjórn·

Vel var mætt á Ráðhústorg á Akureyri í dag þar sem stríðinu í Sýrlandi var mótmælt á friðsamlegan hátt.

Fyrir mótmælunum standa flóttamenn sem komu til Akureyrar í byrjun þessa árs eftir að hafa þurft að yfirgefa hörmungarnar sem dynja á heimalandi þeirra.
Um 100 manns mættu í dag en þetta er í annað sinn sem efnt er til mótmæla á Ráðhústorgi.
Khattab Mohammad, einn Sýrlendinganna, hélt stutta tölu þar sem hann þakkaði veittan stuðning og hlýhug. Hann sagðist vonast til að fólk út um allan heim myndi mótmæla stríðinu í Sýrlandi á þennan hátt því það væri eina leiðin til að hafa áhrif.
Sjá einnig
Hjálpum þeim – Engar afsakanir lengur
Tengdar greinar
Uppfært: 22. apríl 2026










