Í færslu sem Lögreglan á Norðurlandi eystra birti á Facebook kemur fram að lögreglan rannsaki nú stórfellda líkamsárás sem átti sér stað í heimahúsi á Akureyri aðfaranótt föstudagsins 10. apríl. Maður leitaði á bráðamóttöku með stunguáverka og gekkst undir skurðaðgerð, hann er ekki í lífshættu.
Tveir aðilar hafa verið úrskurðaðir í viku gæsluvarðhald vegna málsins. Rannsóknin er unnin í samstarfi við tæknideild LRH og sérsveit ríkislögreglustjóra en lögregla skoðar hvort um tilraun til manndráps hafi verið að ræða.
Auglýsing - Vilt þú auglýsa hér?
