Tryggvi Gíslason fyrrverandi skólameistari MA er látinn
Eftir María Hjelm·

Tryggvi Gíslason fyrrverandi skólameistari Menntaskólans á Akureyri er látinn 87 ára að aldri. Vikublaðið greindi frá andlátinu í gær.
Tryggvi var fæddur 11. júní árið 1938 á Norðfirði og skilur eftir sig eiginkonu, Margréti Eggertsdóttur, sex börn, átján barnabörn og sjö barnabarnabörn.
„Alla tíð var Tryggvi virkur í félagsmálum og iðulega frumkvöðull að umbótum í skóla- og menningarmálum. Eftir Tryggva liggur fjöldi ritverka, styttri og lengri, útgefinna sem fluttra, einkum um málvísindi og menningu, ekki síst þjóðskáldið Jónas Hallgrímsson,“ segir í umfjöllun um Tryggva í Vikublaðinu.
Tryggvi var skólameistari við MA á árunum 1972 til 2003.
Tengdar greinar
Uppfært: 6. september 2026










