Jólin eru tími fyrir hefðir. Íslendingar hafa spilað sömu jólalögin í marga áratugi og skata er enn borðuð á Þorláksmessu. Við ákváðum að taka saman þær hefðir sem við erum öll sek um að viðhalda og okkur finnst hvað plebbalegastar.
1. Jólabjór
Tuborg Classic er merktur sem jólabjór og verður skyndilega besti bjór í heimi. Plebbinn er í essinu sínu þegar hann fær að útskýra fyrir öðrum hvað sé í raun besti jólabjórinn.
2. Kaupmannahöfn
Allir alvöru plebbar verða að fara til Kaupmannahafnar fyrir jólin.
3. Purusteik
Svínakjöt sem er erfiðara og hættulegra að borða er ekkert betra en venjulegt svínakjöt.
4. Skata
Það þykir afskaplega flott að borða þennan bragðvonda mat. Mikilvægt að kvarta undan því samt að skatan sé ekki nógu kæst sama þó enginn viti í raun hvað það orð þýðir.
5. Jólalög
Lög sem væru löngu gleymd ef þau væru ekki tengd við þessa hátíð. Það er mikilvægt að velja eitthvað sem er ekki of venjulegt sem uppáhalds jólalag. Uppáhalds jólalög plebbans eru Ef ég nenni með Helga Björns og Fairytale of New York með Pogues.
6. Jólatónleikar
Þið vitið upp á ykkur sökina.
7. Glerártorg
Það þykir skyndilega fínt að fara í verslunarmiðstöðvar fyrir jólin. Plebbinn klæðir sig helst upp áður en þangað er haldið.
8. Enski boltinn
Jólaplebbinn elskar að fara hátt með það að hann ætli að horfa á fótbolta yfir jólin. Mætir helst í Liverpool eða Manchester United treyju í jólaboð.
9. Nóa konfekt
Vont, dýrt og alltof algeng gjöf.
10. Jólapeysur
Jólaplebbanum finnst sprenghlægilegt að klæða sig í rauða peysu með snjókalli framan á og kalla hana ljóta.
UMMÆLI