Töldu að um sprengju væri að ræða við Vaðlaheiðargöng
Eftir María Hjelm·

Sprengjusérfræðingar Landhelgisgæslunnar voru kallaðir til í gær vegna þess sem talið var að væri sprengja rétt fyrir neðan op Vaðlaheiðarganga vestan megin. Þetta kemur fram á vef RÚV.
Þar segir að gripurinn reyndist vera búnaður sem var notaður við gerð ganganna.
„Erlendir ferðamenn gerðu lögreglu viðvart á fjórða tímanum í gær eftir að þeir fundu hlutinn í læknum. Talsvert viðbragð var á svæðinu í gær vegna málsins en ekki var farið í víðtækar lokanir, samkvæmt upplýsingum frá lögreglu. Fljótlega var talið ólíklegt að hluturinn gæti sprungið að sjálfu sér,“ segir í umfjöllun RÚV, sem má lesa í heild sinni hér.
Tengdar greinar
Uppfært: 6. september 2026










