Aðeins þrjú virk Covid-19 smit eru nú skráð á Norðurlandi eystra. Auk þess er einungis einn einstaklingur eftir í sóttkví á svæðinu.
Faraldurinn hefur farið hratt niður á við undanfarnar vikur á svæðinu en yfirvöld hafa ítrekað það við fólk að halda áfram að fara varlega þar sem að veiran er enn á ferli í samfélaginu.
14 smit greindust á landinu öllu síðastliðinn sólarhring en tveir þeirra sem greindust voru utan sóttkvíar við greiningu.
