Skíðasamband Íslands tilkynnti á dögunum unglingalandslið og afrekshóp á snjóbrettum fyrir komandi vetur. Landsliðsþjálfari er Akureyringurinn Viktor Helgi Hjartarson en hann var það einnig í fyrra.
Þrír Akureyringar eru í afrekshópnum en það eru þeir Baldur Vilhelmsson, Benedikt Friðbjörnsson og Tómas Orri Árnason.
Auglýsing - Vilt þú auglýsa hér?
Fyrirhugað er að hópurinn fari í þrjár ferðir erlendis í vetur. Fyrst á dagskrá er æfingaferð í október. Í janúar á svo að fara í æfinga- og keppnisferð en hápunktinum verður náð þegar Ísland tekur í fyrsta skipti þátt á snjóbrettum á Ólympíuhátið Evrópuæskunnar.
