Tónlistarmaðurinn Þorsteinn Kári gaf í gær út lagið Skuggamynd sem er annar singúllinn af næstu plötu hans sem ber heitið Hvörf. Skuggamynd er nú aðgengileg á öllum helstu streymisveitum.
Lagið fjallar um stöðuga endurtekningu hversdagsleikans. Hvernig hlutirnir virðast endurtaka sig dag eftir dag með vélrænum hætti og láta mann missa sjónar á sjálfum sér og gleyma því hver maður er.
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee.
Inn á lagið spiluðu ásamt Þorsteini Kára þeir Ingi Jóhann Friðjónsson á bassa og Jón Haukur Unnarsson á trommur og slagverk.
Þorsteinn Kári hefur áður gefið út sóló plötuna Eyland árið 2019, ásamt því að vinna í útgáfum ýmsra listamanna síðastliðna tvo áratugi sem framleiðandi og upptökustjóri.
Um útgáfu sér listakollektífið og útgáfufélagið MBS á Akureyri. MBS hefur staðið að tónlistarútgáfu frá árinu 2010 en einnig haldið tónlistarhátíðina Mannfólkið breytist í slím frá árinu 2018. Hvörf verður gefin út á vínyl en hlekkur á forpöntun má finna fyrir neðan í vefverslun MBS.
Hlekkur á lagið á Spotify: https://open.spotify.com/track/6rkWTZV1v6pP118ZHsTrD7?si=3CLo2jUVQYi2g3hi-WtPag
MBS á samfélagsmiðlum:
https://www.instagram.com/mbsskifur
https://www.facebook.com/mbsskifur
Hægt er að forpanta plötuna Hvörf á vínyl í vefverslun MBS hér:
