Handboltalið Þórs vann sterkan sigur á liði Víkings í toppslag í Grill66 deild karla í handbolta um helgina. Þórsarar endurheimtu toppsæti deildarinnar með sigrinum og hafa nú unnið sjö leiki í röð.
Leiknum lauk með 32:26 sigri Þórsara sem voru í hefndarhug en Víkingur er eina liðið sem hefur unnið Þór í vetur, í fyrsta leik tímabilsins. Þórsarar eru eftir sigurinn með 14 stig eftir átta leiki, jafnmörg stig og Selfoss sem hefur þó spilað níu leiki.
Auglýsing - Vilt þú auglýsa hér?
Brynjar Hólm var valinn maður leiksins eftir frábæra frammistöðu þar sem hann stóð frábæra vörn ásamt því að skora 9 mörk.
Þór á einn leik eftir fyrir langt jólafrí en strákarnir heimsækja Val 2 næstu helgi.
