Kvennalið Þórs í körfubolta vann frábæran sigur á Tindastóli í Bónusdeildinni í gær að viðstöddu fjölmenni í Íþróttahöllinni á Akureyri. Leiknum lauk með sjö stiga sigri Þórs, 102-95, en Þórskonur leiddu leikinn frá upphafi til enda. Þetta kemur fram á vef Þórsara.
Amandine Toi var stigahæst í liði Þórs með 25 stig en Maddie Sutton átti einnig stórleik með 14 stig, 23 fráköst og 10 stoðsendingar. Þá kom hin unga og bráðefnilega Emma Karólína Snæbjarnardóttir inn með frábært framlag af varamannabekknum og skoraði 15 stig í leiknum.
Smelltu hér til að skoða tölfræðina úr leiknum.
Þetta var annar sigur Þórs á tímabilinu og lyfti liðinu upp í 7.sæti deildarinnar. Næsti leikur í deildinni er útileikur gegn Haukum þann 16.nóvember næstkomandi.
Mynd: Palli Jóh
UMMÆLI