Nýr samstarfssamningur Þórs og KA um rekstur á sameinuðu kvennaliði félaganna í fótbolta var undirritaður á Glerártorgi í hádeginu. Samningurinn er til þriggja ára.
Meðal þess sem kveðið er á um í samningnum er að liðið muni leika í hlutlausum búningum eftir að hafa leikið í Þórsbúningum undanfarin ár. Nýir búningar voru til sýnis við undirskriftina og má sjá myndir af þeim hér að neðan.
Auglýsing - Vilt þú auglýsa hér?
Aðalbúningurinn er svört treyja, svartar stuttbuxur og hvítir sokkar en varabúningurinn appelsínugul treyja, svartar stuttbuxur og hvítir sokkar.
