Gísli Hvanndal Jakobsson skrifar
Í dag er 6 mánaða bið í meðferð á Sjúkrahúsið Vog. Ef þú færð flýti meðferð á beiðni þinni þá kemstu kannski inn eftir 3 mánuði, kannski.
Fíklar sem helst þurfa að komast inn ekki seinna en í dag eru margir hverjir ekki á lífi þegar röðin kemur að þeim eftir 5 til 6 mánuði. Ég þekkti 9 manns allavega í fortíðinni sem dóu vegna biðar á Vog og veit um marga fleiri. Og nú er ástandið fjórum sinnum verra.
Þetta ástand í dag eins og margt annað í þjóðfélaginu er vanræksla eldri flokkanna. Þetta er vanræksla Sjálfstæðisflokksins, Framsóknarflokks, Samfylkingarinnar, Vinstri Grænna og Miðflokkurinn mun ekki gera betur enda tengist hann vel inn á Sjálfstæðisflokkinn og Framsóknarflokk þar sem Sigmundur Davíð á sín tengsl og feril þar.
Ætli þið að kjósa eldri flokkana sem snúa höfði sínu undan meðan fólk er að deyja í hrönnum?
Viljið þið engar breytingar á þessu alvarlega máli né öðrum alvarlegum málum í okkar þjóðfélagi?
Gömlu flokkarnir eru ekkert að hugsa um þetta gjör alvarlega málefni eins og mörg önnur. Tíminn hefur sýnt það og sannað. Allt hefur versnað og þjóðfélagið er á hliðinni vegna vanrækslu og rangra ákvarðana stjórnvalda í öllum málaflokkum.
Og eina sem gömlu flokkarnir hugsa um er að komast inn á þing og koma sér og sínum vel fyrir áhyggjulausir næstu fjögur árin og lifa kónga og drottningar lífi. Ekkert annað.
Gjörðir þeirra SANNA ÞAÐ. Eða öllu heldur vanræksla þeirra.
Ég er með sjúkdóminn alkóhólisma en ég er einnig flogaveikur.
Þess vegna hef ég þurft að taka bensó lyf
( Benzodiazepines ) sem eru ávanabindandi lyf sem ég tek með aðal flogaveikislyfinu mínu. Bensó lyfið sem ég er á, virkar mjög vel en er ekki gott til lengri tíma litið og ég er búin að vera of lengi á því og þarf nauðsynlega að komast strax á Vog.
Árið 2021 fékk ég mjög alvarlegt flog og endaði í öndunarvél í fjóra daga og var í 3 mánuði á Sjúkrahúsi. Í þessu flogi brotnuðu báðir upphandleggir og ég fékk garnaflækju sem var 7 tíma aðgerð minnir mig. Hægri öxlin brotnaði mjög illa og ég er með tvær stálplötur í hægri öxlinni og 6 eða 7 skrúfur í upphandlegg að ég hélt en fékk að vita um daginn að ég er með 12 skrúfur. Annað lungað féll líka saman og ég fékk síðan lungnabólgu. Eftir það var ég settur á sterkari lyf.
Nú er svo komið að ég þarf nauðsynlega að hætta á bensó lyfinu sem ég er á en get það ekki einsamall þó ég sé í vikuskömmtun á lyfinu. Ég þarf að fara í fulla meðferð til að losna við þetta lyf (Rivotril) sem að mínu mati ætti ekki að vera á markaði heldur einungis sem undanþágu lyf og notað eftir að einstaklingur með flogaveiki er búinn að fá eitt flog eða við annarskonar vanda stutt tímabil.
Vandamálið við Benzodiazepines lyf er að þolmyndun eykst svo fljótt að hækka þarf skammtinn mjög ört og það kemur að því að það kemur að endastöð. Og hvað þá? Lyfið hættir að virka almennilega en þú þarft að taka lyfið inn til að fara ekki í fráhvörf eða í mínu tilfelli bæði til að fara ekki í fráhvörf og fá ekki flog.
Ég þarf rólega niðurtröppun í meðferð, í öruggu umhverfi.
Að mínu mati í dag að þá á ekki að gefa út ávanabindandi lyf nema í neyðartilfellum í stuttan tíma. Ég er til dæmis búin að vera alltof lengi á bensó lyfi af læknisráði. En ég tók þá ákvörðun að hætta á lyfinu og fara í meðferð því langtíma notkun er ekki góð fyrir hjartað og bara öll líkamskerfin.
Hvað hafið þið misst marga ættingja eða vini úr alkahólisma? Hvað hafið þið heyrt um marga sem hafa dáið? Hvað vitið þið um marga í neyslu í dag? Hvað vitið þið um marga sem eru að bíða eftir að komast í meðferð? Hvað vitið þið um margar eyðilagðar fjölskyldur vegna þessa sjúkdóms?
Ef við viljum þetta áfram að þá kjósum við gömlu flokkana. Hring eftir Hring.
Ef við viljum breytingar þá kjósum við Flokk fólksins og/eða Viðreisn.
Ég mun kjósa Flokk fólksins því ég vil breytingar og það strax.
Inga Sæland berst fyrir þessu málefni hart en hún hefur verið mjög opinská um sitt líf varðandi alkahólisma en hún á tvö börn og eiginmann með þann sjúkdóm.
Það eiga ekki að vera biðlistar í meðferð. Þessir biðlistar eru dauða biðlistar.
Ég var tvítugur þegar ég frændi minn dó úr þessum sjúkdómi og ég beðinn um að syngja í jarðaförinni sem ég gerði. Það er eitt það erfiðasta sem ég hef gert. Þetta er ógeðslegur sjúkdómur. Þetta er ógeðslegur fjölskyldu sjúkdómur.
Ætlið þið að kjósa fátækt og háa vexti áfram? Hugsið þið fjögur ár aftur í tímann áður en þið setjið X við einhvern flokk. Ef við kjósum gömlu flokkana þá missir fólk heimili sín og býr við fátækt og heilbrigðiskerfið versnar og fólk heldur áfram að deyja sem þarf ekki að deyja.
Þetta er búið að vera svona alltof lengi. Afhverju? Því við veljum það. Það erum við sem kjósum þessa flokka aftur og aftur. Afhverju?
Ég vona að allir Íslendingar hugsi sig vel um áður en það setur X við einhvern flokk 30. Nóvember
Kannski kemst ég í meðferð í apríl. Hver veit?
Allavega, ég gef ykkur Flokk fólksins tækifæri á kjördag. Þið hafið sýnt hvað í ykkur býr og skýran vilja og kraft til breytingar. Það á ENGINN AÐ DEYJA Á BIÐLISTA Á SJÚKRAHÚS.
ENGINN.
X-F
Greinarhöfundur: Gísli Hvanndal Jakobsson
Eilífðarstúdent
UMMÆLI