Mikinn reyk leggur yfir stóran hluta Akureyrar eftir stórbruna í húsnæði í Nesjahverfi, iðnaðarhverfi rétt ofan Akureyrar. Talið er að eldur hafi kviknað í húsnæði véla- og bátaverkstæðisins Seiglu skömmu eftir miðnætti.
Allt tiltækt slökkvilið var kallað út og vinnur nú hörðum höndum við að ráða niðurlögum eldsins. Búið er að girða svæðið af og loka götum í kring.
Auglýsing - Vilt þú auglýsa hér?
Lögregla hvetur fólk til að loka gluggum
Þykkan reyk leggur frá brunanum og yfir vestasta hluta bæjarins. Fólk er hvatt til að loka gluggum og auka kyndingu í húsum sínum.
Lögreglumaður á vettvangi sagði í samtali við Kaffið að aðstæður til slökkvistarfs gætu verið betri, vindáttin mætti vera betri en var vongóður um að það væri hægt að slökkva eldinn.
