Fulltrúar stéttarfélaganna og Lions klúbbsins við undirritunina.
Fulltrúar stéttarfélaga í Þingeyjarsýslum og Lionsklúbbur Húsavíkur undirrituðu á dögunum áframhaldandi samstarf um stuðning við verkefni Heilbrigðisstofnunar Norðurlands, HSN, vegna forvarna gegn ristilkrabbameini. Sömu aðilar hafa staðið fyrir verkefninu síðustu 5 ár og mun það nú halda áfram til ársins 2021.
Í ljósi reynslunnar og mikilvægi þessara forvarna hafa aðstandendur verkefnisins ákveðið að halda því áfram með stuðningi úr samfélaginu. Stéttarfélögin leggja verkefninu til 1 milljón króna. Þannig verður áfram hægt að bjóða öllum einstaklingum sem verða 55 ára á ári hverju og eru búsettir á svæði HSN að gangast undir endurgjaldslausa ristilspeglun hjá HSN á Húsavík.
Sjá einnig: Kvensjúkdómalæknir gefur öll tækin sín
Stéttarfélögin sem standa að verkefninu eru: Framsýn, Þingiðn, Starfsmannafélag Húsavíkur og Verkalýðsfélag Þórshafnar.
UMMÆLI