Útgjöld Akureyrarbæjar fyrir snjómokstur eru orðin meiri en gert var ráð fyrir í fjárhagsáætlun. Ástæðan er hin mikla snjókoma sem hefur verið undanfarið. Þetta kemur fram í Morgunblaðinu í dag.
Þar segir að kostnaður við snjómokstur eftir óveðrið sem gekk yfir landið í síðustu viku nemi einn og sér tugum milljóna króna fyrir bæinn.
50 manns á 40 ruðningstækjum hafa unnið við mokstur undanfarið til þess að halda helstu leiðum bæjarins opnum, að því er fram kemur í Morgunblaðinu í dag.