Í tilkynningu frá slökkviliðinu á Akureyri segir að betur hafi farið en á horfðist þegar eldur kom upp í Glerárskóla í gærkvöldi.
„Við eldinn fór rafmagn af hluta bæjarins og olli það slökkviliðinu nokkrum vandræðum þar sem rafmagn fór af sjálfri slökkvistöðinni en það bjargaðist fyrir horn. Vaktin slökkti eldinn sem tiltölulega fljótlega og reykræsting gekk vel í kjölfarið,“ segir í tilkynning.
Slökkviliðið naut aðstoðar frá vakt á Akureyrarflugvelli sem mætti með tankbíl til aðstoðar. Slökkviliðið lauk störfum um klukkan þrjú í nótt og afhenti lögreglu vettvanginn.
Sjá einnig: Grunur um íkveikju þegar eldur kom upp í Glerárskóla
Sjá einnig: Eldur í Glerárskóla – Myndir
Sjá einnig: Ekkert skólahald í Glerárskóla í fyrramálið
Sjá einnig: Virðist sem tjónið eftir eldinn sé nokkuð staðbundið
