Píludeild Þórs tilkynnti fyrr í dag á Facebook-síðu sinni um skráningu á mótið Akureyri Open 2025, öðru nafni Sjally Pally. Nafnið er vísun í heimsmeistaramótið í pílukasti sem gengur oft undir nafninu „Ally Pally“ þar sem mótið sjálft er haldið í Alexandra Palace í London.
Skráning á mótið hefst laugardaginn 1. febrúar kl 12:00 og hámarksfjöldi keppanda einungis 160 því verður fólk að hafa hraðar hendur þegar skráning hefst. Hægt er að sjá nánar um viðburðinn HÉR.
Auglýsing - Vilt þú auglýsa hér?
Hér að neðan má sjá myndband frá Píludeild Þórs þar sem fyrrum píludómaranum Russ Bray bregður fyrir en í tilkynningunni er koma hans boðuð á viðburðinn, þar segir „Hlökkum til að fá þennan mikla meistara á Akureyri Open og þenja raddböndin á sviðinu!“
