Skotvopnin reyndust vera eftirlíkingar
Eftir Ingólfur Stefánsson·

Meint skotvopn sem fundust í lögregluaðgerð á Akureyri í gær þegar fimm voru handteknir reyndust vera eftirlíkingar. Aðilarnir sem voru handteknir voru látnir lausir að skýrslutöku lokinni.
Börkur Árnason, varðstjóri hjá lögreglunni á Norðurlandi eystra, segir í samtali við fréttastofu RÚV að vopnin hafi verið nákvæmar eftirlíkingar en ekki virk skotvopn.
Í frétt á vef Vísis segir að hin meintu skotvopn hafi verið leikfangabyssur sem líkja eftir þýsku hríðskotabyssunni MP5. Þær séu með rauðmálað hlaup sem merkir að skotvopn sé ekki alvöru. Þetta er haft eftir einstaklingi sem gætir hagsmuna eins drengjanna sem voru handteknir.
Tengdar greinar
Uppfært: 6. september 2026










