MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Sigmundur Davíð flytur lögheimili sitt til Akureyrar

Eftir Ingibjörg Bergmann·
Sigmundur Davíð Gunnlaugsson.
Sigmundur Davíð Gunnlaugsson.

Sigmundur Davíð Gunnlaugsson, þingmaður Miðflokksins í Norðausturkjördæmi og fyrrum forsætisráðherra, hefur flutt lögheimili sitt til Akureyrar. Rúv greinir frá þessu í dag en Sigmundur gerði slíkt hið sama fyrir Alþingiskosningarnar 2013 og skráði lögheimili sitt á eyðibýlinu Hrafnabjörg III. Sú lögheimilisskráning var kærð af Pétri Einarssyni, sem þá var annar á lista Flokk fólksins, stuttu eftir kosningarnar 2013 en ekkert var aðhafst í þeim málum. Bæjarráð Fljótdalshéraðs taldi það ekki hlutverk sveitarfélagsins að blanda sér í málið. Húsið var nýlega gert upp og er leigt út sem orlofshús en Sigmundur hefur aldrei búið þar, heldur á höfuðborgarsvæðinu.

Nú er lögheimili Sigmundar Davíðs og fjölskyldu skráð í Aðalstræti 6 í innbænum en húsið er í eigu Gerðar Jónsdóttur og Árna Friðrikssonar, foreldra Önnu Kolbrúnar Árnadóttur, sem skipaði 2. sæti Miðflokksins í NA-kjördæmi og komst á þing í sl. kosningum. Gerður, móðir Önnu Kolbrúnar, er jafnframt fyrrum formaður Landssambands Framsóknarkvenna.

Rúv greinir frá þessari lögheimilisskráningu og tekur fram að ekki náðist í Sigmund Davíð við gerð fréttarinnar.

Tengdar greinar

Uppfært: 22. apríl 2026