Á föstudaginn var stór dagur hjá handbolta deild Þórs. Liðið fékk tvo nýja leikmenn og þá skrifaði Gunnar Líndal Sigurðsson undir sem aðstoðarþjálfari fyrir veturinn.
Leikmennirnir sem skrifuðu undir á föstudaginn eru Ólafur Atli Malmquist Hulduson og Bergvin Þór Gíslason. Þetta eru fimmti og sjötti leikmaðurinn í sumar sem snýr aftur í Handboltadeild Þórs eftir að hafa verið að spila annarsstaðar.
Ólafur kemur frá Fjölni þar sem hann hjálpaði þeim að koma upp um deild á síðasta tímabili. Bergvin hefur spilað með ÍR og Aftureldingu síðan 2017, en er kominn aftur í Þór.
Lesa eldri frétt: Bergvin yfirgefur Akureyri
Einnig hafa fjórir aðrir snúið aftur í liðið eftir að hafa verið að spila með öðrum liðum bæði erlendis og hérlendis. Það eru Oddur Gretarsson, Hafþór Már Vignisson, Þórður Tandri Ágústsson og Kristján Gunnþórsson.
UMMÆLI