Sandra María með landsliðinu til Kína

Freyr Alexandersson, landsliðsþjálfari kvennaliðs Íslands, valdi í gær hópinn sem fer á æfingamót í Kína síðar í þessum mánuði.
Akureyrarmærin Sandra María Jessen er í hópnum en hún var í lykilhlutverki með Þór/KA í sumar þegar liðið endaði í 4.sæti Pepsi-deildarinnar. Sandra María skoraði ellefu mörk í deild og bikar í sumar.
Í hópnum eru þrír leikmenn sem hafa spilað með Þór/KA en það eru þær Sandra Sigurðardóttir, Rakel Hönnudóttir og Katrín Ásbjörnsdóttir.
Stelpurnar koma til með að mæta Kína, Danmörku og Úsbekistan en mótið er liður í undirbúningi Íslands fyrir EM í Hollandi sem fram fer næsta sumar.
Hópurinn í heild sinni
Markmenn: Guðbjörg Gunnarsdóttir (Djurgarden), Sandra Sigurðardóttir (Valur), Berglind Hrund Jónasdóttir (Stjarnan)
Varnarmenn: Anna Björk Kristjánsdóttir (Örebro), Glódís Perla Viggósdóttir (Eskilstuna), Hallbera Guðný Gísladóttir (Breiðablik), Elísa Viðarsdóttir (Valur), Sif Atladóttir (Kristianstad), Rakel Hönnudóttir (Breiðablik)
Miðjumenn: Fanndís Friðriksdóttir (Breiðablik), Sara Björk Gunnarsdóttir (Wolfsburg), Sandra María Jessen (Þór/KA), Dagný Brynjarsdóttir (Portland Thorns), Gunnhildur Yrsa Jónsdóttir (Stabæk), Dóra María Lárusdóttir (Valur), Katrín Ómardóttir (Doncaster), Svava Rós Guðmundsdóttir (Briðablik), Ásgerður Stefanía Baldursdóttir (Stjarnan)
Sóknarmenn: Margrét Lára Viðarsdóttir (Valur), Hólmfríður Magnúsdóttir (Avaldsnes), Berglind Björg Þorvaldsdóttir (Breiðablik), Katrín Ásbjörnsdóttir (Stjarnan)
Tengdar greinar
Uppfært: 22. apríl 2026










