Samfylkingin með mest fylgi í krakkakosningum
Eftir Hákon Orri Gunnarsson·
Krakkakosningar voru haldnar í grunnskólum Akureyrarbæjar í aðdraganda sveitarstjórnarkosninganna sem fram fóru 16. maí síðastliðinn.
Á vef Akureyrarbæjar kemur fram að embætti umboðsmanns barna hafi sent bréf þar sem sveitarfélög voru hvött til að efna til umræðufunda með frambjóðendum og halda kosningar í kjölfarið. Grunnskólar Akureyrarbæjar tóku áskoruninni vel og buðu fulltrúum framboðanna í heimsókn áður en nemendur greiddu atkvæði.
Alls bárust 677 atkvæði í krakkakosningunum. Ekki náðist að halda kosningu í Hríseyjarskóla.
Niðurstöður krakkakosninganna voru eftirfarandi:
- xS – Samfylkingin: 30,13%
- xC – Viðreisn: 13,15%
- xM – Miðflokkurinn: 13,15%
- xL – L-listinn: 11,23%
- xV – Vinstri græn: 8,86%
- xA – Akureyrarlistinn: 7,24%
- xD – Sjálfstæðisflokkurinn: 6,80%
- xB – Framsóknarflokkurinn: 3,55%
- Auð atkvæði: 5,91%
Tengdar greinar
Uppfært: 6. september 2026










