Hörður Óskarsson sem stendur að Mynthringar og allskonar, safnaði alls 551.650 krónum til styrktar Krabbameinsfélagi Akureyrar og nágrennis í mars. Þetta gerði hann með sölu á svokölluðum myntmottum sem hann býr til úr gamalli mynt.
Hörður selur á hverju ári mottur og slaufur til styrktar Krabbameinsfélagi Akureyrar og nágrennis, KAON. Í mars selur Hörður mottur og í október slaufur. Frá árinu 2018 hefur Hörður styrkt Krabbameinsfélag Akureyrar og nágrennis um 3.247.000 krónur og nú bætast 551.650 krónur við þá upphæð.
Auglýsing - Vilt þú auglýsa hér?
Vert er að geta þess að vörur Harðar eru til sölu hjá Krabbameinsfélagi Akureyrar og nágrennis og í vefverslun Krabbameinsfélagsins. Einnig er hægt að panta þær í gegnum Facebook síðu Harðar.
