Ferðamálafélag Eyjafjarðarsveitar hefur hafið söfnun fyrir risa kúnni Eddu, listaverki sem verður í Eyjafirði. Markmiðið er að safna fimm milljónum króna.
Beate Stormo, eldsmiður í Kristnesi, hannaði risakúna Eddu að beiðni Ferðamálafélags Eyjafjarðarsveitar. Beate mun sjálf sjá um að smíða verkið. Edda verður þrír metrar á hæð og fimm metrar á lengd. Hún verður að mestu hol að innan, 13 járnborðar með textabrotum tengdum kúm skreyta hana.
Auglýsing - Vilt þú auglýsa hér?
„Risakýrin Edda verður heiðursvarði um allar Búkollur, Auðhumlur, ló ló mínar Löppur og aðrar gæðakýr þessa lands,“ segir á Facebook síðu söfnunarinnar.
