Ruslaverum á Akureyri stolið
Eftir Ingólfur Stefánsson·

Listakonan Jónborg Sigurðardóttir hefur búið til svokallaðar ruslaverur sem sést hafa á ruslatunnum víða um Akureyri undanfarið ár. Núna hefur tveimur af verunum verið stolið. Fjallað var um málið á vef RÚV.
Jónborg segir í samtali við fréttastofu RÚV að hún harmi þjófnaðinn en líti samt á hann sem ákveðinn heiður. Hún segir að markmiðið með ruslaverunum sé það að fá fólk til þess að henda rusli í tunnurnar og gefa verunum að borða.
Jónborg hefur tilkynnt þjófnaðinn til lögreglu en vonast til þess að verunum verði skilað.
Tengdar greinar
Uppfært: 25. apríl 2026










