Nóttin var frekar róleg á Akureyri miðað við skemmtanalífið sem Bíladögum fylgir samkvæmt frétt á vef RÚV. Bíladagar hófust á fimmtudag og stendur dagskrá yfir alla helgina. Þá júbilera gamlir Menntskælingar um helgina en hápunktur júbileringarinnar er á morgun, 16. júní þegar gamlir stúdentar hittast og fagna saman í Íþróttahöllinni á Akureyri.
Samkvæmt umfjöllun RÚV hafði lögregla lítil afskipti af gestum og gangandi í bænum í nótt. Þó var nokkuð um sektir fyrir hraðakstur, bæði innanbæjar og utanbæjar. Sá sem hraðast fór keyrði á 133 kílómetra hraða.
Ein tilkynning vegna heimilisofbeldis barst lögreglu. Einn var handtekinn vegna þess og vistaður í fangageymslu.
UMMÆLI