MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Róbert Guðfinnsson hyggst stofna siglfirskt flugfélag

Eftir Óðinn Svan·
Róbert Guðfinnsson
Róbert Guðfinnsson

Róbert Guðfinnsson, athafnamaður, hefur beitt sér mikið fyrir uppbyggingu í heimabæ sínum Siglufirði á undanförnum árum en hann á meðal annars hið glæsilega Sigló Hótel. Róbert íhugar það nú alvarlega að stofna flugfélag sem hefði þann tilgang að koma farþegum frá Keflavíkuflugvelli beint út á land.

Vefsíðan Túristi.is greindi frá þessu en í samtali við síðuna segir Róbert það flestum ljóst sem þekkja til ferðaþjónustunnar á Íslandi að mikið verk sé fyrir höndum við að skipuleggja greinina. Hann segir að tengja þurfi landsbyggðina inn á á alþjóðaflugvöll með öflugu innanlandsflugi. Flugvellinum á Siglufirði var lokað fyrir tveimur árum síðan en Róbert sér þó fram á breytingar í þeim efnum.

„Það hefur verið áhugavert að ræða þessi mál við öfluga stjórmálamenn. Þannig sá Ólöf Nordal innanríkisráðherra að þörf er á breytingum og í samgönguáætlun er nú gert ráð fyrir fjármagni til að hægt verði að koma Siglufjarðarflugvelli í gagnið aftur. Í framhaldinu munum við á Siglufirði skoða hvort við förum út í flugrekstur í innanlandsflugi, ein eða með öðrum,” sagði Róbert í samtali við Túristi.is

Þeir aðilar sem koma að ferðaþjónustu á norðurlandi eru sammála um að mikilvægt sé að efla flugsamgöngur ætli greinin að stækka í samræmi við þá aukningu sem er að eiga sér stað í greininni. Það verður því forvitnilegt að fylgjast með framgangi þessa máls.

Tengdar greinar

Uppfært: 22. apríl 2026