MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Íþróttir

Ricardo González og Lidia Mirchandani ráðin til Þórs

Eftir Hákon Orri Gunnarsson·
richi og Lidia
kaffid.is

Körfuknattleiksdeild Þórs hefur gengið frá ráðningu tveggja þjálfara með mikla alþjóðlega reynslu í lykilstöður innan deildarinnar. Ricardo González Dávila og Lidia Mirchandani, taka formlega til starfa hjá félaginu í byrjun ágúst. Ricardo mun taka við sem aðalþjálfari meistaraflokks kvenna og gegna jafnframt hlutverki aðstoðarþjálfara hjá meistaraflokki karla. Lidia verður í þjálfarateymi meistarflokkanna ásamt því að leiða þjálfun og þróun yngri flokka sem þjálfari í barna- og unglingastarfi.

Ricardo þjálfaði kvennalið Skallagríms tímabilið 2017–2018 og Lidia lék þá jafnframt með liðinu sem leikstjórnandi. Í kjölfarið hóf hún þjálfunarferil hér á landi og starfaði um árabil hjá körfuknattleiksdeild Keflavíkur við þjálfun stúlkna í yngri flokkum. Hún stýrði liði Keflavíkur til Íslandsmeistaratitils í ungmennaflokki kvenna árið 2023. Bæði Ricardo og Lidia hafa yfirgripsmikla reynslu af þjálfun bæði innan Evrópu og víðar, og hafa unnið með landsliðum og félagsliðum á Spáni, í Asíu, Suður-Ameríku og á Norðurlöndum.

„Þekking þeirra á íslensku körfuboltaumhverfi og áhersla á faglega uppbyggingu og langtímaþróun leikmanna gerir þau afar vel í stakk búin til að leiða áframhaldandi þróun körfuknattleiks hjá Þór. Ráðningin, sem er til þriggja ára, er með það að markmiði að skapa festu og stöðugleika í öllu starfi deildarinnar og byggja upp metnaðarfulla afreksstefnu til framtíðar,“ segir í tilkynningu frá Þór.

Tengdar greinar

Uppfært: 25. apríl 2026