Vegna samkomubannsins í kjölfar kórónaveirufaraldursins hafa fjögur prestaköll í Eyjafirði sameinast um hátíðarguðsþjónustu á páskadag, sem sjónvarpað verður á N4.
Prestaköllin sem um ræðir eru Glerár-, Akureyrar-, Laugalands-, og Laufásprestakall.
Upptaka hátíðarguðsþjónustunnar fór fram í Akureyrarkirkju og sjá samtals sjö djáknar og prestar prestakallanna um að þjóna.
Kórinn Hymnodia syngur undir stjórn Eyórs Inga Jónssonar.
Margrét Árnadóttir syngur einsöng við undirleik Valmars Valjots á fiðlu og Sigrúnar Mögnu Þórsteinsdóttur á orgel.
Orgelleikarar eru þau Sigrún Magna Þórsteinsdóttir og Eyþór Ingi Jónsson.
Stefán Friðrik Friðriksson stjórnaði upptöku.
Eins og fyrr segir, verður hátíðarguðsþjónustunni í Akureyrarkirkju sjónarpað á N4 á páskadag og hefst útsendingin klukkan 14:00.
