Sandra Harðardóttir og eiginmaður hennar sem rekið hafa kaffihúsið Café Dix í Kópavogi ætla í sumar að opna hostel á Akureyri. Það er Vísir.is sem greinir frá þessu.
Hostelið, sem heitir Hafnarstræti Hostel verður staðsett í hinu sögufræga Amaro-húsi og stefnt er að opnun 1. júlí. Hafnarstræti Hostel verður ekkert venjulegt hostel því gestir sem þar gista munu sofa í svokölluðum lokrekkjum en það eru aðgangsstýrðir klefar.
Í klefunum er pláss fyrir eina manneskju og þar er að finna sjónvarp og innstungur fyrir rafmagnstæki gesta. Alls verður pláss fyrir 96 manneskjur á hostelinu sem verður á annarri hæð í Amaro-húsinu.
UMMÆLI