Á níunda tímanum í morgun voru nær allir hálendsivegir á Norðurlandi merktir ófærir á vefsíðu Vegagerðarinnar, en síðast í gær voru þeir enn flestir flokkaðir sem færir fjallabílum.
Sprengisandsleið, Eyjafjarðarleið, Öskjuleið og í raun allir aðrir F vegir norðan Vatnajökuls, að undanskildum F734, hafa verið merktir ófærir. Ástand Leirdalsheiðarvegs og Flateyjardalsvegs er enn óþekkt. Þar að auki eru aðrir fjallvegir líkt og Lágheiði og Hólsfjallavegur ófærir eða þungfærir. Á Kjalvegi er snjóþekja samkvæmt Vegagerðinni, en óvíst er um raunfærð, þar sem ný gögn hafa ekki borist.
Gul viðvörun er nú í gildi á Norðurlandi eystra og vestra, sem og á Miðhálendi og mælir Veðurstofan gegn óþarfa ferðalögum. Búast má við vetrarfærð á þessum landshlutum, sérstaklega til fjalla.
UMMÆLI