Handknattleikslið Akureyrar stóðu í ströngu í dag því leikið var í Olís-deild karla og 1.deild kvenna.
Akureyri Handboltafélag heimsótti Fram í Safamýrina og úr varð hörkuleikur. Framarar höfðu frumkvæðið stærstan hluta leiksins en staðan í leikhléi var 15-12 fyrir Fram.
Áfram hélt Akureyri að elta í síðari hálfleik og tókst að saxa á forskotið en heimamenn náðu að innbyrða sigurinn. Lokatölur 29-28 fyrir Fram og sitja Akureyringar sem fastast á botni deildarinnar.
Markaskorarar Fram: Þorsteinn Gauti Hjálmarsson 8, Sigurður Örn Þorsteinsson 6, Arnar Birkir Hálfdánsson 4, Andri Þór Helgason 4, Elías Bóasson 4, Valdimar Sigurðsson 2, Davíð Reynisson 1.
Markaskorarar Akureyrar: Karolis Stropus 8, Andri Snær Stefánsson 5, Mindaugas Dumcius 4, Sigþór Árni Heimisson 4, Friðrik Svavarsson 3, Kristján Orri Jóhannsson 2, Patrekur Stefánsson 1, Brynjar Hólm Grétarsson 1.
KA/Þór lék sinn annan leik á jafnmörgum dögum þegar liðið heimsótti FH í Kaplakrika í 1.deild kvenna en ljóst var að erfitt verkefni biði stelpnanna þar sem FH-konur eru taplausar í deildinni hingað til.
Stelpurnar töpuðu gegn toppliði ÍR í gær.
Í dag var jafnt á öllum tölum en FH hafði eins marks forystu í leikhléi en jafnræðið hélst út leikinn og endaði leikurinn með jafntefli, 25-25.
Markaskorarar FH: Fanney Þórsdóttir 9, Birna Íris Helgadóttir 5, Steinunn Snorradóttir 4, Hildur Marín Andrésdóttir 3, Laufey Lára Höskuldsdóttir 2, Arndís Þórsdóttir 1, Diljá Sigurðardóttir 1.
Markaskorarar KA/Þór: Katrín Vilhjálmsdóttir 8, Martha Hermannsdóttir 6, Steinunn Guðjónsdóttir 6, Kolbrún Gígja Einarsdóttir 2, Sandra Kristín Jóhannesdóttir 2, Ásdís Guðmundsdóttir 1.
Þá lék ungmennalið Akureyrar tvo leiki í 1.deildinni um helgina en strákarnir steinlágu fyrir HK í gær en unnu magnaðan sigur á Mílunni á Selfossi í dag.
UMMÆLI