Minnisvarði hefur verið reistur við Skjaldarvík til heiðurs Stefáni Jónssyni, klæðskerameistara og bónda, sem átti og rak stórbú í Ytri- og Syðri-Skjaldarvík. Þetta kemur fram í tilkynningu á vef Akureyrarbæjar.
Stefán stofnaði þar elliheimili sem var tekið í notkun 29. október 1943, á afmælisdegi móður hans, Sólrúnar Oddsdóttur, sem varð jafnframt fyrsti íbúi heimilisins.
Auglýsing - Vilt þú auglýsa hér?
Árið 1965 gaf Stefán Akureyrarbæ jörðina, búið í fullum rekstri og elliheimilið með öllum búnaði. Minnisvarðinn er reistur honum til minningar fyrir ómetanlegt framlag til samfélagsins.
