Mikill áhugi á andarnefjunum á Pollinum – Ein andarnefjan slösuð
Eftir Ingólfur Stefánsson·

Sex dagar eru liðnir frá því að andarnefjur sáust á Pollinum við Akureyri og þær spóka sig þar enn. Í tilkynningu frá Hvalaskoðun Akureyrar kemur fram að fólk hafi haft mikinn áhuga á andarnefjunum og að margir hafi komið við og viljað fræðast meira um dýrin.
Sjá einnig: Andarnefjur á Pollinum
„Það kemur fólk hingað inn á hverjum degi og spyr okkur spurninga og við erum svo glöð að finna fyrir svona miklum áhuga frá Akureyringum og ferðamönnum,“ segir á Facebook síðu Hvalaskoðunar á Akureyri
Í dag tók starfsfólk Hvalaskoðunarinnar eftir því að ein andarnefjan væri slösuð og að það blæddi úr henni. Í tilkynningu frá fyrirtækinu er fólki ráðlagt að fara ekki of nálægt hvölunum á bátum eða brettum.
Tengdar greinar
Uppfært: 25. apríl 2026










