Markvörður Þórs skoraði í jafntefli gegn KR

Þórsarar tóku á móti KR-ingum í Bestu deild karla í knattspyrnu á Akureyri í gær. Þórsarar byrjuðu leikinn vel og komust snemma í 3-0, þriðja mark Þórsara gerði markvörður liðsins, Aron Birkir Stefánsson, frá eigin vallarhelmingi. Markið má sjá neðar í greininni.
Leiknum lauk með 3-3 jafntefli og Þórsarar því áfram í næstneðsta sæti deildarinnar með 8 stig. KA menn sem eru einu sæti ofar töpuðu svekkjandi á móti Víking Reykjavík, 3-2, í gær.
„Ég sá að boltinn var á fínum stað til að prófa þetta með vindinum. Ég bara tók sénsinn. Það er skrítin tilfinning að hafa skorað, þetta var lélegt fagn en tilfinningin skemmtileg,“ sagði Aron Birkir í viðtali við Fótbolta.net eftir leik, viðtalið má sjá í heild hér.
Mark Arons er fyrsta mark markvarðar í efstu deild frá 2010 og aðeins það fjórða í sögunni.
Tengdar greinar
Uppfært: 6. september 2026










