MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

MA safnar pening til styrktar Bleiku slaufunni

Eftir Ingólfur Stefánsson·
Mynd af ww.ma.is
Mynd af ww.ma.is

Bleika slaufan, átaksverkefni Krabbameinsfélagsins er tileinkað brjóstakrabbameini í ár. Fjáröflun Bleiku slaufunnar í ár rennur til endurnýjunar tækjabúnaðar fyrir brjóstakrabbameinsleit.

Í Menntaskólanum á Akureyri verður haldinn bleikur dagur til heiðurs Krabbameinsfélaginu. Skólameistari skólans Jón Már Héðinsson hefur heitið 25 krónum á hvern nemanda sem að mætir í bleiku og geta með því safnast tæpar 20.000 krónur. Söfnunarbaukar verða einnig í skólanum sem nemendur geta notað til að styrkja málstaðinn.

MA-derhúfan sem að varð vinsæl í fyrra verður núna einnig í bleiku og verða teknar niður pantanir á þeirri derhúfu. Hver derhúfa verður á 2500 krónur og renna 1000 krónur af hverri húfu óskert til Krabbameinsfélags Íslands. Bernódus Óli Einarsson nemandi í skólanum segist vonast til að sjá alla í bleiku og geta litið yfir Kvosina og sjá bara bleikt.

Víða um Akureyri eru byggingar lýstar upp með bleiku ljósi til að sýna stuðning við átakið. Háskólinn á Akureyri er þar á meðal. Á Facebook síðu háskólans segir að með því vilji skólinn styðja við átakið og minna á að mikilvægasta leiðin til að fjölga konum sem lifa sjúkdóminn af sé skipuleg leit að brjóstakrabbameini sem býðst öllum konum á Íslandi. Aðrar byggingar sem verða lýstar upp með bleiku ljósi eru meðal annars Akureyrarkirkja og Ráðhúsið.

Tengdar greinar

Uppfært: 22. apríl 2026