Á vef Menntaskólans á Akureyri kemur fram að MA séð komið áfram í aðra umferð Gettu betur, spurningakeppni framhaldsskólanna eftir sigur á liði Fjölbrautaskóla Vesturlands á Akranesi í gærkvöldi. Lokatölur urðu 23 – 11, MA í vil. Framhaldsskólinn á Húsavík, Kvennaskólinn í Reykjavík og Borgarholtsskóli tryggðu sér einnig áframhaldandi þátttöku í keppninni. Önnur umferð fer fram dagana 21. og 23. janúar. MA mætir liði Flensborgarskólans í Hafnarfirði og fer viðureignin fram seinna kvöldið. Lið MA skipa þau Árni Stefán Friðriksson, Kjartan Valur Birgisson og Sólveig Erla Baldvinsdóttir.
UMMÆLI