Lokað fyrir umferð gangandi vegfarenda um kirkjutröppurnar

Viðgerðir á kirkjutröpp­un­um að Ak­ur­eyr­ar­kirkju hefjast á næstu dög­um og á meðan þeim stendur verður lokað fyr­ir um­ferð gang­andi veg­far­enda um tröpp­urn­ar. Áætluð verklok eru þann fimmtánda októ­ber og verða tröppurnar því lokaðar næstu mánuði. Fréttamiðill­inn Ak­ur­eyri.net grein­ir frá þessu en í umfjöllun miðilsins segir óvíst hvenær fólki verður heim­ilt að ganga upp nýj­ar kirkjutröpp­ur.

Framkvæmdirnar felast í því að brjóta upp tröpp­urn­ar, steypa nýj­ar, koma fyr­ir snjó­bræðslu­kerfi, frá­rennsli, setja upp hand­rið með lýs­ingu og leggja nýj­ar hell­ur. Á meðan unnið er við tröpp­urn­ar verður vinnusvæðið í kring­um kirkj­una al­veg lokað af og því eng­in um­ferð um tröpp­urn­ar eða göngu­stíg­inn að Sig­ur­hæðum.

„Ferðamenn jafnt og íbú­ar munu því ekki geta gengið um kirkjutröpp­urn­ar frá því að fram­kvæmd­ir hefjast núna á næstu dög­um og í ein­hverja mánuði. Hvort þær verða svo opnaðar að nýju í októ­ber eða ekki fyrr en næsta vor verður að koma í ljós,“ seg­ir í frétt Ak­ur­eyri.net.